Kunnskap og regelverk heng etter - ny konferanse skal tek tak i tematikken
Det vert truleg den første av sitt slag.
Elektrifiseringa av samfunnet skjer så fort, at kunnskap og regelverk ikkje heng med. No skal utfordringane og farane bli synleggjort på konferansen «Brannsikkerheit i elektriske batteri», melder Møre og Romsdal fylkeskommune i ei pressemelding.
29. februar skal forskarar dele kunnskap om litium-ionbatteri og brannmannskap fortelje om erfaringar og utfordringar med å slokke.
Blant innleiarane er brannsjef Atle Josdal i Kvinnherad brann og redning, som skal dele erfaringar og kunnskap frå brannen i oktober 2019 i batterirommet på bilferja MF «Ytterøyningen».
Morgonen etter at brannen i ferja var sløkt, eksploderte gassar om bord.
Hendinga førte til fleire hasteråd frå Sjøfartsdirektoratet, står det i pressemeldinga.
Heng ikkje med
Møre og Romsdal fylkeskommune har utarbeidd eit nytt kunnskapsunderlag som omhandlar overgang til fossilfri transport til lands, til vanns og i lufta. Her kjem det fram at elektrifisering av samfunnet skjer så raskt, at kunnskap og regelverk heng etter.
– Med aukande bruk av batteri, og nye bruksområde, aukar risikoen for brann. Men vi ser også at behovet for kunnskap er aukande, seier næringssjef Hilde Aspås i Møre og Romsdal fylkeskommune, som er arrangør.
– Det handlar om å auke bevisstgjeringa og leggje til rette for eit breiare og tettare samarbeid, slik at ein kan redusere risikoen for brann, og når det brenn, i elektriske batteri, seier Aspås.
«Alle» er der
Under konferansen skal brukarar, produsentar og leverandørar sjå utfordringane og sikkerheita frå sin ståstad. Direktoratet for samfunnssikkerheit og beredskap (DSB) er der for å snakke om lovverk og ansvar og om oppstart av ny brannskole for brann, redning og samfunnssikkerheit, og statsforvaltaren skal sjå dette i eit beredskapsperspektiv.
Tanken er å setja søkelys på korleis ein kan auka kunnskapen og kompetansen, heilt frå produsent til leverandørar og brukarar – og til brann- og redningspersonell når uhellet er ute.
Initiativtakar til konferansen er seksjon for energi og grøn omstilling i Møre og Romsdal fylkeskommune, som har fått tilskot frå Klimasats til å halde ein konferanse om brannsikkerheit i elektriske batteri.
Les også:
-
Går 240 millioner i minus for å oppnå nullutslipp i fergedriften
Møre og Romsdal fylkeskommune opplever en underfinansiering på 240 millioner kroner for fergedriften i 2024, og denne situasjonen forverres av statens manglende finansiering. – Det går utover andre oppgaver, sier Hans Olav Myklebust (FrP), leder i samferdselsutvalget i fylket.
-
Elektrisk kontrakt for Oma Baatbyggeri
Torghatten og Oma Baatbyggeri har signert avtale om bygging av to elektrisk drevne ferger. BOS Power er valgt som systemintegrator av elektriske fremdriftssystemer.
-
Foreslår å frede Vigra kringkastar
Kringkastaren har spelt ei nøkkelrolle i å gjere Noreg til ein moderne fiskeri- og kystnasjon. Og han er eit symbol på tilhøyrsle, fellesskap og motstandskamp, spesielt knytt til krigshendingane i april 1940.
-
Dårleg ferjeøkonomi bremser utviklinga av fylkesvegnettet og kollektivtrafikken
Statlege ferjeruter får full kostnadsdekning for ferjedrifta. Det er ikkje feil – feilen er derimot at fylkesvegferjene ikkje får det same. Denne forskjellsbehandlinga rammar reisande i heile Møre og Romsdal, skriv Jesper Wiig, samferdselsdirektør i Møre og Romsdal i denne kronikken.
-
Peiker ut tre satsingar for grøn omstilling i Møre og Romsdal
Skal Møre og Romsdal lukkast med grøn omstilling må dei byggja på allereie sterke næringar og kompetanse, samarbeida systematisk og meir enn før.
