
Signerer kontrakt på eit nytt kabelleggingsskip
I september inngjekk Nexans Marine Operations AS og Ulstein Verft ein kontrakt på bygginga av eit stort DP3-kabelleggingsfartøy.
Skipet, ein ST-297 CLV-designet frå Skipsteknisk, er ein oppdatert versjon av Nexans Aurora, som vart levert i 2021, går det fram i ei pressemelding.
- Me tildelte kontrakten på eit nytt fartøy til Ulstein etter ein omfattande anbodsprosess, der Ulstein si merittliste, som inkluderer leveringa av Nexans Aurora, var ein viktig faktor for at vi valte Ulstein Verft på nytt. Me ser fram til å arbeide saman med Ulstein på dette nye og spennande prosjektet, seier Pascal Radue, EVP Generation & Transmission i Nexans.
- Ulstein er svært glade for at Nexans vel å kome tilbake til Ulstein Verft for bygginga av eit nytt kabelleggingsfartøy. Trass i utfordringane med Covid-pandemien leverte me Nexans Aurora på tid i 2021, noko som stadfestar vår lange historikk med å levere skip til avtalt tid og kvalitet. Me ser fram til å fortsette det tette samarbeidet med Nexans og er svært fornøgde med at Nexans på nytt viser Ulstein Verft tillit ved tildeling av denne kontrakten, seier konsernsjefen i Ulstein Group, Cathrine Kristiseter Marti.

Elektrifisering
Det nye skipet er basert på Nexans Aurora-designet, som i dag spelar ei viktig rolle i Nexans si forsyning av avanserte undersjøiske høgspentsystem for å støtte elektrifisering, slik som samband mellom land og regionar, fornybare offshore-løysingar og elektrifiseringsløysingar for andre offshore-installasjonar, skriver Ullstein i pressemeldinga.
Fartøyet er spesialdesigna for å utføre transport og legging av ulike typar sjøkablar, inkludert kabelbunting, og gjenopphenting og reparasjon av desse. Det kan arbeide effektivt også i krevjande vêrforhold, har eksepsjonell manøvreringsevne og evne til å halde seg på posisjon (dynamisk posisjonering).
Ulstein Verft er ansvarleg for skipsbygginga og førebuing for installering av kabelleggingsutstyret om bord.
Avansert
Det avanserte kabelleggingsskipet har ei svingskive på dekk med stor kabelkapasitet på opp til 10 000 tonn kabel, ei svingskive under dekk med 3500 tonns kabelkapasitet og ein fiberoptisk kapasitet på 450 tonn.
Fartøyet er 31 meter breitt, 149,9 meter langt og er innreidd for 90 personar.
- Me har lang erfaring i å bygge store og krevjande fartøy, og ser fram til å starte på arbeidet med kabelleggingsskipet til Nexans, seier Lars Lühr Olsen, administrerande direktør ved Ulstein Verft.
Les også:
-
SEA1 Offshore utvider flåten med nye fartøy
SEA1 Offshore bestiller to ekstra ST-245-fartøyer med fokus på bærekraft og effektivitet.
-
Nye fregatter til Noreg: Ulstein og thyssenkrupp samarbeider
Ulstein Verft og thyssenkrupp Marine Systems inngår avtale for å levere avanserte fregatter til den norske marinen, med fokus på lokal produksjon og verdiskaping.
-
Norskdesignet fabrikktråler sjøsatt i Tyrkia
Tersan Shipyard bygger toppmoderne tråler for Aurora Fisheries med fokus på bærekraft og energieffektivitet. Designet kommer fra Norge.
-
Bygginga av vindskip nummer to for BS Offshore i gang ved Ulstein Verft
Denne veka kom skroget til byggnummer (bnr.) 321 for BS Offshore fram til Ulstein Verft. Dette markerer starten på ein ny fase i skipsbygginga. Skipet er designa av Ulstein Design & Solutions AS for såkalla 'walk-to-work'-operasjonar (W2W) der personell går over ei rørslekompensert gangbru frå skipet til ein vindturbin.
-
Sjøsatte byggnummer 320
Søndag vart byggnummer 320 sjøsett ved Ulstein Verft. Skipet er eit havvindsserviceskip av typen «Commissioning Service Operation Vessel» (CSOV) for BS Offshore.