Rolls-Royce skal levere nok eit design til Kina
Rolls-Royce kan legge til ytterlegare 55 millionar kroner i ordreboka for i år, når det no vert innløyst ein opsjon frå den nyleg annonserte kontrakta med Jiangsu Eastern Heavy Industries Co., Ltd. i Kina.
Denne artikkelen er tre år eller eldre.
Verftet skal no bygge tre plattform supplyfartøy (PSV) av typen UT 755 LN, og det er framleis opsjon på eit fjerde fartøy inkludert i kontrakta.
PSV’ane er designa for transport av fast og flytande last til å frå offshore olje- og gassplattformer verda over. I tillegg til design skal Rolls-Royce levere ein omfattande utstyrspakke inkludert hovudmotorar, akselgeneratorar og tavler frå Bergen, propellar og thrusterar frå Ulsteinvik, automasjon- og kontrollsystem frå Longva samt styremaskin, ror, bulkhandteringsanlegg og dekkmaskineri frå Brattvåg.
Dette siste fartøyet skal leverast i 2014.
