Stor begivenhet. Framme frå venstre: Junichi Saikawa, President, Niigata Power; Hallvard Pettersen, dagleg leiar, Scana Volda; Kirsti Gjørvad, markedsdirektør, Scana Propulsion; Hajime Kurokawa, Executive Officer General Manager of Procurement Center Niigata Power. Bak frå venstre: Kjetil Knutsen, produksjonssjef, Scana Volda; Arnfinn Brautaset, salssjef, Scana Volda og Lars Alvsvåg, dagleg leiar, Scana Singapore.

Scana & Niigata lanserer framdriftspakke

Vibeke Blich
Publisert Sist oppdatert

Denne artikkelen er tre år eller eldre.

Scana Volda har inngått samarbeidsavtale med den japanske dieselmotor-produsenten Niigata Power Systems Co., Ltd., om å lansere ein felles Niigata & Scana framdriftspakke.

Samarbeidsavtalen vart signert under SMM i Hamburg i september i fjor, og Niigata og Scana har førebudd lanseringa med bl.a. ein prosjektguide over typiske konfigurasjonar for offshore support fartøy.

Framdriftspakken er basert på den nye Niigata 28AHX motorserien (2070 - 6660 kW), kombinert med propellar, gir, tunnel thrustarar og fjernstyringssystem frå Scana Propulsion. Framdriftspakken er tilgjengeleg frå den globale salsorganisasjonen til både Niigata og Scana Propulsion.

– Vi ser eit stort potensiale for ein Niigata og Scana framdriftspakke til offshore support fartøy, og vi har allereie erfart positiv interesse frå dette segmentet i Asia, seier Hallvard Pettersen, dagleg leiar i Scana Volda. Både Niigata og Scana har lang erfaring i leveransar til sine respektive marknadar, og det er derfor to erfarne aktørar som no tilbyr ein felles framdriftspakke.

kirsti gjørvad hallvard pettersen aktuelt smm nyheter niigata power systems scana volda scana propulsion